რომ არ დასძინებოდა, სტუდენტმა თმა ჭაღზე სარეცხის სარჭით დაიმაგრა

სტუდენტები გამოცდების წინ, მთელ ღამეებს მეცადინეობაში ატარებენ და გამონაკლისი არც ჩინელები არიან.

ფუძიანის პროვინციაში მცხოვრებ სტუდენტებს, 20 წლის ჩენ ტანგსა და 21 წლის ჰუანგ ლუს ძალიან ეძინებოდათ და მეცადინეობას ვერ ასწრებდნენ, ამიტომ თავის გამოსაფხიზლებლად ორიგინალური გზა მოძებნეს - თმა ჭაღზე სარეცხის სარჭით დაიმაგრეს.

სტუდენტებმა ჯერ აზიდვების გაკეთება სცადეს, ყავაც დალიეს, მაგრამ უშედეგოდ - ბოლოს ჩენს ერთი ძველი ჩინური ლეგენდა გაახსენდა, სადაც სწორედ ამ ხერხზე იყო საუბარი. როგორც სტუდენტმა გოგონებმა სოციალურ ქსელში დაწერეს, ძილი "მთელი ღამე დააფრთხეს".

მომზადებულია dailymail.co.uk-ის მიხედვით.