"წლის გლიცერინის სანთელი" - ლალი მოროშკინა კონკურსს აცხადებს

სოზარ სუბარის მრჩეველი, ლალი მოროშკინა "ფეისბუქის" პირად გვერდზე აცხადებს კონკურსს, სახელწოდებით "წლის გლიცერინის სანთელი".

"ვაცხადებ კონკურსს "წლის გლიცერინის სანთელი", შედეგები შეჯამდება მომავალ "ძველით ახალ წელს"!!!

ზოგიერთი ადამიანი ძალიან ჰგავს გლიცერინის სანთელს: ძალაუფლების მიღებამდე თაფლისფრად ასხივებს, რბილი და დრეკადია, ხოლო შემდგომ, მავანთა ქვედა ტანში მოხვედრისას ფეკალურ მასებთან ირევა და ოდეს გასხივოსნებული მიზნებიც წარსულის მოგონებად რჩება.

ნომინანტებს ხალხი დაასახელებს, ხალხი ბრძენია!

პატივისცემით,

ლალი მოროშკინა

ძველით ახალი წელი 2014", - წერს ლალი.