კახა კალაძემ ღარიბაშვილის სიმამრს Harley-Davidson-ი აჩუქა
პრემიერ-მინისტრ ირაკლი ღარიბაშვილის სიმამრს, გენერალ თამაზ თამაზაშვილს ენერგეტიკის მინისტრმა კახა კალაძემ მოტოციკლი Harley-Davidson-ი აჩუქა. ამის შესახებ "ფეისბუქის" პირად გვერდზე დეპუტატი გოგა ხაჩიძე წერს.
"რომის პაპს ბაიკერებმა Harley-Davidson-ის მოტოციკლეტი აჩუქეს.
რომის პაპი აპირებს მოტოციკლეტი საქველმოქმედო მიზნებისთვის აუქციონზე გაყიდოს.
თამაზ თამაზაშვილსაც ჰყავს Harley-Davidson. როგორც ვიცი, კახი კალაძემ აჩუქა.
თამაზაშვილი მოტოციკლეტის გაყიდვას, მით უმეტეს საქველმოქმედო მიზნებისთვის არ აპირებს. ის უბრალოდ სეირნობს.
ამ შემთხვევაში პრეტენზია ვერავისთან მექნება, უბრალოდ ფაქტს ვაფიქსირებ", - წერს ხაჩიძე.
ცნობისთვის, რომის პაპი ნაჩუქარ Harley-Davidson-ის მოტოციკლსა და ქურთუკს გაყიდის. ნივთები პარიზში აუქციონზე გაიყიდება. გაყიდვებიდან შემოსული თანხა რომში უფასო სასადილოსა და უსახლკაროთათვის საერთო საცხოვრებლის მშენებლობას მოხმარდება.
მოტოციკლი Dyna Super Glide პონტიფიკს გასული წლის ივნისში, კომპანია Harley-Davidson-ის 110 წლის იუბილესთან დაკავშირებით აჩუქეს.
"ჩემი ლედი" - ლელა წურწუმიას და "მამულიჩას" ემოციური ფოტო კონცერტის კულისებიდან
ჰააგაში, უძველესი ტაძრის სამრეკლოდან გია ყანჩელის მელოდიები მისი ხსოვნის პატივსაცემად აჟღერდა
