გოგონამ ბიჭი, რომელიც მას მთელი წელი ეძებდა, უარით გამოისტუმრა

Ambebi.ge-ს ერთგულ მკითხველს, ალბათ, ახსოვს ახალ ზელანდიაში მცხოვრები 25 წლის რიზ მაკკეის გულისამაჩუყებელი ისტორია - ის გოგონას ეძებდა, რომელთანაც მხოლოდ ერთი რომანტიკული საღამო გაატარა, თუმცა მისი ელექტრონული ფოსტა დაკარგა და ვერაფრით დაუკავშირდა.

რიზი მთელი წლის განმავლობაში ეძებდა გოგონას; მას სხვადასხვა ვებსაიტების ადმინისტრატორები და ჟურნალ-გაზეთების რედაქტორები ეხმარებოდნენ, თუმცა ეს ამბავი ჰოლივუდის სცენარის მსგავსად, "ჰეფი-ენდით" არ დასრულდა; საბოლოოდ, რიზმა ქეითი იპოვა, მაგრამ გოგონამ მიახვედრა, რომ მასთან ურთიერთობის გაგრძელება არ სურს. ქეით ცაპმა შეყვარებულ მამაკაცს უთხრა, რომ "იმ ღამიდან კარგი მოგონება დარჩა, მაგრამ ურთიერთობის გაღრმავებით დაინტერესებული არაა".

შეგახსენებთ, რიზმა ახალი წლის დღესასწაული შარშან ჰონგკონგში გაატარა, სადაც გოგონა, სახელად - ქეითი გაიცნო. მათი შეხვედრა სრულიად მოულოდნელად მოხდა; როგორც რიზი იხსენებს, კლუბში გასართობად მიდიოდა, როდესაც ქუჩაში გოგონა შენიშნა, რომელიც ტიროდა. აღმოჩნდა, რომ ქეითს მისამართი შეეშალა და მეგობრებს ვერაფრით უკავშირდებოდა. რიზი მას მეგობრების მოძებნაში დაეხმარა, შემდეგ კი ყველამ ერთად იმხიარულეს. რიზმა გოგონას ფოტოც გადაუღო. როდესაც სახლში დაბრუნდა, გააცნობიერა, რომ მისი იმეილი აღარ ჰქონდა, ვერც "ფეისბუქში" მიაგნო, რადგან გვარი არ იცოდა.

მომზადებულია dailymail.co.uk-ის მიხედვით.