სპოტსმენი სოჭის სასტუმროს ტუალეტში ჩაიკეტა

სოჭში ოლიმპიადისთვის განკუთვნილი ინფრასტრუქტურის გაუმართაობა ამერიკელმა ბობსლეიტმა ჯონ ქუინმა საკუთარ თავზე გამოსცადა. ქუინს სასტუმროს ნომრის ტუალეტში კარი ჩაეკეტა. რამდენიმე უშედეგო მცდელობის შემდეგ სპორტსმენი იძულებული გახდა კარი გამოენგრია. ამის შესახებ მან სოციალურ ქსელ "ტვიტერში" დაწერა.

"შხაპს ვიღებდი, კარები კი თავად ჩაიკეტა. ტელეფონი არ მქონდა, რომ ვინმესთვის შველა მეთხოვა, ამიტომ ბობსლეისტის მძლავრი დარტყმა გამოვიყენე და გამოვაღწიე", - წერს სპორტსმენი.

ქუინმა ინტერნეტში საკუთარი მხრით გამონგრეული კარის ფოტოებიც განათავსა.

მომზადებულია ipress.ua-ს მიხედვით.