ამერიკელი ოლიმპიელი სოჭის მაწანწალა ლეკვებს შეიფარებს

ამერიკელი მოთხილამურე, 22 წლის გას კენუორტი, რომელიც ოლიმპიადაში მონაწილეობს, სოჭის მაწანწალა ლეკვებს შეიფარებს.

გასი სოჭის ქუჩებში სეირნობდა, როდესაც ეს საყვარელი, პაწაწინა უპატრონო მშიერი ლეკვი შენიშნა. მოგვიანებით, ლეკვებს კიდევ გადააწყდა - გასი აპირებს, რომ ლეკვები სახლში წაიყვანოს.

მან ფოტო და პოსტი, რომელიც იტყობინება, რომ ლეკვები მალე თბილ სახლში, მზრუნველი პატრონის გვერდით იცხოვრებენ, "ტვიტერში" ატვირთა. ახალგაზრდა ამერიკელის სიკეთით უამრავი ადამიანი აღფრთოვანდა და "ტვიტერში" 600-ზე მეტი მადლობის კომენტარი მიუვიდა.

მომზადებულია newsday.com-ის მიხედვით.