ნეგატიური კომენტარების გამო კანადელმა ათლეტმა პუტინთან ერთად გადაღებული სელფშუტი წაშალა

რუსეთის პრეზიდენტი ვლადიმერ პუტინი სოჭში, ოლიმპიურ სოფელში აშშ-სა და კანადის წარმომადგენლებს ესტუმრა. ათლეტები პრეზიდენტს სმარტფონებით დახვდნენ, მათ შორის იყო კანადელი მოციგურავე ბრიტანი შუსლერი, რომელმაც პუტინთან სელფშუტი გადაიღო.

მოგვიანებით, ფოტო "ტვიტერში" დადო და პოსტი დაურთო - "უნდა მეთხოვა, რომ ჩემი ვალენტინი ყოფილიყო".

ამ პოსტს უამრავი ნეგატიური კომენტარი მოჰყვა და ათლეტი კრიტიკის ქარცეცხლში გაატარეს. ბრიტანი იძულებული გახდა, ფოტო წაეშალა. მოგვიანებით კი დაპოსტა, რომ ხუმრობდა, თუმცა არც ამ შემთხვევაში დაინდეს.

მომზადებულია yahoo.com-ის მიხედვით.