მამა გაბრიელის წმინდა ნაწილები ფერისცვალების ტაძრიდან გამოასვენეს
სამთავროს დედათა მონასტრის ფერისცვალების ტაძარში პარაკლისი დასრულდა. ხის ლუსკუმაში ჩაბრძანებული მამა გაბრიელის წმინდა ნაწილები მღვდელმთავრებმა საკურთხეველში შეაბრძანეს და შემდეგ ისევ გამოაბრძანეს. პარაკლისი რამდენიმე მღვდელმთავარმა გადაიხადა. წმინდანის ლუსკუმა არ გახსნილა, ის დახურული იყო პარაკლისის დროსაც.
მორწმუნეები ტაძარში ცდილობდნენ ხელი შეეხოთ ხის სარკოფაგისთვის. წმინდა ნაწილები ტაძრიდან უკვე გარეთ გააბრძანეს. სვეტიცხოვლის ტაძრისკენ მსვლელობა დაიწყო.
როგორც მონაზონმა დედა ანასტასიამ "ინტერპრესნიუსს" განუცხადა, იგი ესწრებოდა საფლავის გახსნას. მისი თქმით, ღირსი მამა გაბრიელი შავ მანტიაში იყო გახვეული და ეს მანტია არ გაუხსნიათ. წმინდანის ნეშტს ახალი მანტია შემოახვიეს და ისე ჩააბრძანეს ხის ლუსკუმაში.
ასევე დაგაინტერესებთ:
"ინტერპრესნიუსი"
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
