ქალმა მკლავზე სვირინგიანი ხორცი მოიჭრა და ყოფილ შეყვარებულს გაუგზავნა

ინგლისის საგრაფო ესექსში მცხოვრები ტორზ რეინოლდსი და სტიუარტ ჩოპერი 2 წელი იყვნენ შეყვარებულები. ტორზის სტიუარტი იმდენად უყვარდა, რომ მკლავზე ამოისვირინგა - "ჩოპერის ძუკნა".

თუმცა, ბედნიერი რომანი ერთ დღეს დაინგრა, როდესაც მამაკაცმა გოგონას უთხრა, რომ საოცნებო სამსახური შესთავაზეს და აშშ-ის შტატ ალასკაში გადადიოდა. როგორც ნებისმიერი შეყვარებული მოიქცეოდა, ტორზიც სტიუარტის გამოსამშვიდობებლად აეროპორტში წავიდა. წყვილი ერთმანეთს თბილად გამოემშვიდობა და ერთმანეთს ცრემლებითაც დაშორდნენ.

მოგვიანებით გოგონამ გაიგო, რომ ბიჭი 1 კვირის შემდეგ ინგლისში დაბრუნდა და სხვას ხვდებოდა. როდესაც გააცნობიერა, რომ ყველაფერი დამთავრდა, ყოფილი შეყვარებულის დავიწყება სვირინგის მოშორებით დაიწყო, მაგრამ არა პროფესიონალის დახმარებით და ლაზერის საშუალებით, არამედ საკუთარი ძალებით - მან ამოსვირინგებული კანი სკალპელით ამოიჭრა. მოგვიანებით კი მოჭრილი კანი ყოფილ შეყვარებულს საჩუქრად გაუგზავნა.

მომზადებულია uniladmag.com-ის მიხედვით.