დამლაგებელმა 10 000 ევროს ღირებულების ინსტალაცია ნაგავში გადააგდო

იტალიის ქალაქ ბარიში დამლაგებელმა შემთხვევით ნაგავში გადააგდო ინსტალაცია, რომელიც თანამედროვე ხელოვნების ნიმუშების გამოფენისთვის იყო განკუთვნილი. ამის შესახებ telegraph-ი წერს. ინსტალაცია ქაღალდებისა და მუყაოსგან იყო გაკეთებული.

დასუფთავების კომპანიაში, სადაც ქალბატონი მუშაობს, განაცხადეს, რომ ის თავის მოვალეობას ასრულებდა. ახლა ფირმას მოუწევს დაზიანებული ინსტალაციისთვის საფასური გადაიხადოს - ექსპონატები 10 000 ევროდ ფასდება.

როგორც ”ტელეგრაფი” აღნიშნავს, ეს პირველი შემთხვევა არ არის, როცა თანამედროვე ხელოვნების ნიმუშებს საოჯახო ნარჩენებად აღიქვამენ.