"ბრეზენტით" შეფუთული საათი ქუთაისის ცენტრალურ მოედანზე

ქუთაისის ცენტრალურ მოედანზე არსებული ქუჩის საათი ერთ კვირაზე მეტია, დაზიანებულია, რის გამოც ქალაქის მერიის კეთილმოწყობის სამსახურმა მისი "ბრეზენტით" შეფუთვა გადაწყვიტა.

"საათს პლატა გაუფუჭდა, ამიტომ ჩავთვალეთ საჭიროდ, რომ გაჩერებული საათი ბრეზენტით შეგვეფუთა. მომდევნო კვირას ჩამოგვივა ნაწილი და საათი კვლავ იმუშავებს",  - აცხადებს კეთილმოწყობის სამსხურის უფროსი მალხაზ ბასილაძე.

"ქუთაისში დრო გაჩერდა. უამრავი გაოგნებული უცხოელი ტურისტისათვის გაუგებარია, თუ რატომ აქვთ შეფუთული საათი. ქუთაისის მერს მინდა ვკითხო, ქალაქის ცენტრალურ მოედანზე მდებარე, პრაქტიკულად ერთადერთი საათი შეფუთულ-შეხვეული რატომაა, რომ არ გაცივდეს გეშინიათ, თუ შავი მურა დათვია და ზამთრის ძილსაა მიცემული?" - ამბობს ქუთაისელი ბესო მიქელთაძე.

წყარო: topnews.com.ge

topnews.com.ge