ვინ არის სუპერვარსკვლავი მონაზონი, რომელიც რომის პაპისგან ზარს ელის (+ვიდეო)

იტალიაში Voice-ის ახალი, მეორე სეზონი დაიწყო.

19 მარტს, ბრმა კასტინგზე მწვრთნელები ერთმა უჩვეულო კონკურსანტმა გააოგნა: ეს 25 წლის მონაზონი კრისტინა სკუცაა. მუსიკის მოყვარულმა მონაზონმა ცოტა ხნით მონასტრის ცხოვრება დატოვა და შოუს ჟიური და მაყურებელი შთამბეჭდავი ვოკალური მონაცემებით გააოცა. მან ალიშა ქისის ცნობილი ჰიტი No One შეასრულა და ოთხივე მწვრთნელი შემოაბრუნა.

ჟიურის შემადგენლობაში არიან: მომღერალი და ტელეწამყვანი რაფაელა კარა, მომღერალი და კომპოზიტორი ნოემი, როკ-მომღერალი და კომპოზიტორი პიერო პელუ და რეპერი J-Ax. J-Ax-მა და რაფაელა კარამ კრისტინას დანახვისას ცრემლები ვერ შეიკავეს. კრისტინამ მწვრთნელად J-Ax აირჩია.

25 წლის კრისტინა სკუცა სცილიიდანაა. მას 3 მონაზონი გულმხურვალედ გულშემატკივრობდა. ის Ursuline Sisters of the Holy Family-ს წევრია. შეკითხვაზე, თუ რატომ მივიდა შოუზე, გულახდილად განაცხადა - "თქვენთვის საჩუქარი მაქვს". რასაკვირველია, კრისტინას ჰკითხეს, თუ რას იტყვიან ვატიკანში მის პერფორმანსთან დაკავშირებით - "იმედს ვიტოვებ, რომ პაპი ფრანცისკი ახლა დამირეკავს", - უპასუხა მონაზონმა.

ის ნამდვილ ვარსკვლავად იქცა - YouTube-ზე მისი სიმღერა 2-მა მილიონმა ადამიანმა ნახა.

იხილეთ ვიდეო

მომზადებულია dailymail.co.uk-ის მიხედვით.