ვირთხის შხამით დაბინძურებულმა წყალმა 74 ბავშვი მოწამლა

ჩინეთში, პროვინცია იუნანში საბავშვო ბაღებს შორის არსებულმა კონკურენციამ სავალალო შედეგი გამოიღო.

საბავშვო ბაღის ხელმძღვანელი მას შემდეგ დააკავეს, რაც ვირთხის საწამლავით დაბინძურებულმა წყალმა პატარები მოწამლა. 76 ბავშვი საავადმყოფოშია გადაყვანილი, აქედან 2 პატარა გარდაიცვალა.

თავდაპირველად გაჩნდა ეჭვი, რომ 3-დან 5 წლამდე ასაკის ბავშვების მასიური დაწამვლის მიზეზი ტკბილეული იყო, რომელიც პატარებს გაუნაწილეს. თუმცა, მოგვიანებით ტესტებმა აჩვენა, რომ ტკბილეული არაფერ შუაშია, რადგანაც 2 გარდაცვლილ პატარას, 4 წლის იანგ ზისა და 5 წლის ჟოუ იულინს ტკბილეული არ უჭამიათ.

დეტექტივებმა Xiyangyang-ის საბავშვო ბაღის მენეჯერი ჰე ფენგი დააპატიმრეს. დაკითხვაზე მენეჯერი თავს დამნაშავედ არ სცნობდა. როგორც პოლიციის ოფიცრებმა განაცხადეს, არალეგალური ვირთხის საწამლავი - TETS საბავშვო ბაღის წყალმომარაგებაში განზრახ გაურიეს.

მომზადებულია dailymail.co.uk-ის მიხედვით.