"უნდობლობა, ეჭვიანობა, მესაკუთრეობის გრძნობა - ძალიან შემაწუხებელ სახეს მიიღებს" - რაზე გვაფრთხილებს ასტროლოგი

ასტროლოგი ხათუნა ნოელი უახლოესი დღეების ტენდენციების შესახებ გვაფრთხილებს:

"დღეს, ხვალ, ზეგ - რთული დღეებია, ენერგეტიკულად მძიმე. იმიტომ რომ ზეგ, 7 მაისს სავსემთვარეობაა მორიელის ზოდიაქოში , 17°20'-ზე. მთვარის ფაზის შეცვლის წინა და მომდევნო დღეები საკმაოდ რთული გასავლელია ხოლმე, თვითონ სავსემთვარეობაზე რომ აღარაფერი ვთქვათ.

წინ წამოიწევს ფინანსური თემა, პარტნიორთან, საერთო კაპიტალთან დაკავშირებული გაურკვევლობები. გადასახადების გადაუხდელობის გამო, რაღაც სირთულეებზეც შეიძლება იყოს საუბარი... აგრეთვე ინტიმურ ურთიერთობებთან დაკავშირებული საკითხები. უნდობლობა, ეჭვიანობა, მესაკუთრეობის გრძნობა - ძალიან შემაწუხებელ სახეს მიიღებს.

ეს დღეები ნუ მიიღებთ მკვეთრ გადაწყვეტილებებს. მოიცადეთ 9 რიცხვამდე. შესაძლოა, ყველაფერი ზედმეტი ჩარევის გარეშეც დარეგულირდეს. უკიდურეს შემთხვევაში, ეცადეთ კონსტრუქციულად და ლოგიკურად იმოქმედოთ, ზედმეტი ემოციების გარეშე.

მალე ყველაფერი დალაგდება".