ორკვირიანი ასტროპროგნოზი ზოდიაქოს ყველა ნიშნისთვის

2 ოქტომბერს სავსემთვარეობას ველოდებით სასწორი-ვერძის ღერძზე. მის შესახებ შეგიძლიათ სრულ ინფორმაციას გაეცნოთ ჩვენს საიტზე; ახლა კი ვნახოთ, რას მოგიტანთ სავსემთვარეობა (მომდევნო ახალმთვარეობამდე) თქვენი ზოდიაქის ნიშნის გათვალისწინებით. პროგნოზი წაიკითხეთ თქვენი მზის და ასცენდენტის ნიშნების მიხედვით. ნუ გაგიკვირდებათ, თუ ამ ორკვირიან მონაკვეთში უარის თქმა მოგიწევთ ზოგიერთ საქმეზე, თემაზე, კავშირზე, იმაზე, რასაც თქვენთვის შედეგი აღარ მოაქვს. სასურველია, მზად იყოთ, რათა ახალმთვარეობას მომზადებული შეხვდეთ და გაუთავისუფლოთ ადგილი ახალს:

• ვერძი

სავსემთვარეობა თქვენს ნიშანში ხდება. ამიტომ მთავარ როლში ხართ. მიიღებთ თქვენთვის მნიშვნელოვან პასუხებს, გადაწყვეტილებებს, დოკუმენტებს. თქვენზეა დამოკიდებული, როგორ წარმოაჩენთ საკუთარ თავს სოციუმში. ჩამოყალიბდებით, რა იმიჯით, პროფესიული ნიღბით გსურთ საზოგადოებაში წარმოჩენა. შეიძლება მიიღოთ დიპლომი და პროფესიამ წარმოგაჩინოთ სრულიად სხვა კუთხით. ან გადაწყვტიოთ, ვინ გინდათ რომ გახდეთ, როგორ გამოავლინოთ თქვენი ცოდნა. ან მიხვდეთ, რომ ის, რასაც ადრე აკეთებდით, აღარ გაკმაყოფილებთ და უნდა შეიცვალოთ მიმართულება. ჩამოყალიბდით საკუთარ ჯანმრთელობაზეც. იქნებ დროა, გათავისუფლდეთ მავნე ჩვევებისგან და ჯანსაღი ცხოვრების წესს მისდიოთ?!

• კურო

შეიძლება დასრულდეს თქვენი მარტოობა, მკურნალობა ან გამჟღავნდეს ის საიდუმლო, რასაც აქამდე გულდასმით მალავდით. მიიღოთ პასუხი თქვენთვის მნიშვნელოვან კითხვაზე. მოგინდეთ დაასრულოთ ფარული კავშირი ან საქმიანობა. საზღვარგარეთიდან მიიღებთ თქვენთვის მნიშვნელოვან საბუთებს. დაფიქრდებით, რა მიიღეთ დღემდე, რა მოგიტანათ თქვენმა განმარტოებამ და ახლა როგორ, რა მიმართულებით უნდა გააგრძელოთ მოქმედება და ცხოვრება.

• ტყუპი

თქვენი ყურადღება მიპყრობილი იქნება სოციალური ქსელებისკენ. შეიძლება აისრულოთ სურვილები. ზოგმა შეიძლება ფული საჩუქრადაც მიიღოს ან წარსულში შესრულებული საქმისთვის ახლა გადაგიხადონ. წარმატება და აღიარება გელოდებათ საზოგადოებაში კარგად შესრულებული საქმეებისთვის. ნუ გაგიკვირდებათ, თუ ზოგიერთ ადამიანთან მოგინდებათ მეგობრობის დასრულება. აღარ მოგინდებათ პარტნიორთან ერთად გზის გაგრძელება. ან შეიძლება დაასრულოთ სწავლა, პროექტები, რომლებზეც მუშაობდით. იყავით დაკვირვებული, იმ მოვლენების მიმართ, რაც ახლა მოხდება თქვენს ცხოვრებაში, რათა ახალმთვარეობას ახალი გეგმებით შეხვდეთ.

• კირჩხიბი

კარიერა და სოციალური მიღწევები იქნება თქვენთვის აქტუალური. თუ ელოდებოდით მუშაობის დაწყებას ან დაწინაურებას ამ სავსემთვარეობაზე, მიიღებთ პასუხს. ზოგიერთმა შეიძლება დაასრულოს კარიერა ან დახუროს პირადი ბიზნესი. რათა მომავალში ახალ სფეროში მოსინჯოთ თქვენი შესაძლებლობები. არ არის გამორიცხული, რომ დაასრულოთ სასიყვარულო ურთიერთობა და ამგვარად მიიღოთ ახალი სოციალური სტატუსი.

• ლომი

აქტუალური გახდება საზღვარგარეთთან, უმაღლეს განათლებასთან დაკავშირებული საკითხები. თუ სასამართლო უწყებიდან ელოდებოდით ცნობას, იმასაც მიიღებთ. ან თუ ემიგრაციაში ფიქრობდით წასვლას, გადაწყვეტთ ამ საკითხს. არ არის გამორიცხული, გაწყვიტოთ კავშირი უცხოელ ბიზნესპარტნიორებთან (დასრულდეს პროექტი, ხელშეკრულება) ან სასიყვარულო მიმოწერა, უცხოელთნ. ან სულაც სხვა ეტაპზე გადაიყვანოთ ურთიერთობა და ემიგრაციაში ქორწინების მიზნით გაემგზავროთ. შეიძლება სწავლის გაგრძელება გსურდათ და მიიღებთ სასურველს, ან შემოგთავაზონ, რომ თქვენ ჩაატაროთ ლექციები.

• ქალწული

დაფიქრდით, რადგან ეს სავსემთვარეობა დიდ შანსებს გაძლევთ. თქვენ უნდა მოაგვაროთ მემკვიდრეობასთან დაკავშირებული საკითხები. შეიძლება საბუთები გამზადებული გაქვთ და პასუხს ელოდებით. შეიძლება თქვენ მოგიწიოთ პარტნიორებისთვის ფინანსური საკითხების მოგვარებამ, მათთვის ფულის გაყოფამ. თუ გსურდათ კრედიტის აღება, პასუხს ამ პერიოდში მიიღებთ. ან პირიქით, დახურავთ კრედიტს. ნუ გაგიკვირდებათ, თუ მიიღებთ ფინანსურ დახმარებას ან თანხას ადრე შესრულებული საქმიანობისთვის. ზოგიერთმა შეიძლება დაასრულოს ურთიერთობა სასიყვარულო პარტნიორთან. ან თუ ადრე ფსიქოლოგის, ეზოტერიკოსის რჩევა გჭირდებოდათ, ახალა თავად, თქვენი ძალებით გაუმკლავდეთ სიტუაციას.

• სასწორი

შედეგს მიიღებთ პარტნიორულ ურთიერთობებში. შეიძლება დაასრულოთ სასიყვარულო ან საქმიანი ურთიერთობა კონკრეტულ ადამიანთან; ან აღარ გააგრძელოთ საქმიანი კონტრაქტი. გამორიცხული არაა, რომ პირიქით, შეყვარებულთან გადაწყვიტოთ ერთად ცხოვრება, დაქორწინება, შვილების გაჩენა. მეტად დაკვირვებული უნდა იყოთ, რადგან შეიძლება შემოგთავაზონ კონტრაქტის გაფორმება კომპანიაში, სადაც ადრე სტაჟიორად იყავით.

• მორიელი

შეიძლება მოგინდეთ დაქვემდებარებული სამუშაოს მიტოვება, ან გათავისუფლება იმ რუტინისგან, რაც გთრგუნავდათ, განვითარების შესაძლებლობას არ გაძლევდათ. თუ ვინმეს მომვლელი იყავით, ან მუდმივი კონტაქტი გქონდათ ექიმებთან, შეიძლება ეს პერიოდი დასრულდეს თქვენს ცხოვრებაში. ზოგიერთმა შეიძლება პირიქით იშოვოს სამსახური, თუ განაცხადი გქონდათ შევსებული ან მაძიებელი იყავით. ან თუ უფროსი ხართ, დაემშვიდობოთ ადამიანებს, რომლებმაც ამოწურეს საკუთარი თავი ამ თანამდებობაზე.

• მშვილდოსანი

თუ გსურდათ დაფეხმძიმება ან თუ ფეხმძიმედ იყავით, მშობელი გახდებით. თუ გსურდათ, თქვენს ცხოვრებაში ახალი სიყვარული გამოჩენილიყო, გამოჩნდება. ზოგიერთმა შეიძლება უარი თქვას იმ გასართობზე, რის გარეშეც ადრე ცხოვრება ვერ წარმოედგინა. ანუ წერტილი დაუსვას დროის უაზროდ ფლანგვას. თუ შემოქმედებით პროექტზე მუშაობდით, ამ სავსემთვარეობაზე შედეგს მიიღებთ. თუ შემოქმედი ადამიანი ხართ და ამზადებდით სპექტაკლს, გამოფენას, შანსი მოგეცემათ, რომ საზოგაოების წინაშე წარდგეთ, თქვენი შრომის შედეგი მიიღოთ.

• თხის რქა

თუ რემონტს აკეთებდით, დაასრულებთ. ან თუ ავეჯის შეძენას აპირებდით, შინ მოგიტანენ. ან შეიძლება გადახვიდეთ თქვენს სახლში საცხოვრებლად. თუ უძრავი ქონების ყიდვა ან გაყიდვა გქონდათ გადაწყვეტილი, ხელშეკრულებას გააფორმებთ. შეყვარებულებმა შეიძლება ერთად ცხოვრება გადაწყვიტონ. ანუ საბოლოოდ დაესმევა წერტილი უძრავ ქონებასთან დაკავშირებულ საკითხებს. ზოგიერთმა შეიძლება მშობლიურ ადგილებში გადაწყვიტოს საცხოვრებლად დაბრუნებაან ემიგრაციიდან. ან ბინაში მიიღოთ თქვენი კუთვნილი კუთხე, სადაც დაბინავდებით.

• მერწყული

კითხვებს მიიღებთ თქვენთვის მნიშვნელოვან საკითხებზე, დოკუმენტებს, რომლებსაც ელოდით. შეიძლება დაგიბეჭდონ სტატია, წიგნი. საბოლოოდ გადაწყდეს თქვენს და-ძმებთან დაკავშირებული საკითხები. თუ გსურდათ, რაიმე კურსებზე ჩაწერა და თქვენს რიგს ელოდით, მაგის პასუხსაც მიიღებთ. წერტილს დაუსვამთ მეზობლებთან დაკავშირებულ უსიამოვნებებს. გაერკვევით მანქანასთან დაკავშირებულ საკითხებში - იყიდით ან გაყიდით. ზოგიერთმა შეიძლება დაასრულოს ურთიერთობა ზოგიერთ მეგობართან. შემცირდეს ინტერნეტდამოკიდებულება.

• თევზები

მიიღებთ თანხას, რომელსაც ელოდებოდით ან იმის შედეგს, რაზეც ამდენი ხანი მუშაობდით. ზოგიერთმა შეიძლება თავის შესაძლებლობებს (ღირებულებები, უძრავი ქონება), ცოდნას თავი მოუყაროს და გადაწყვიტოს, რა ხერხს უნდა მიმართოს, მატერიალური მდგომარეობა რომ გაიუმჯობესოს. ან შეიძლება ადრე თქვენი მომსახურება იაფი ღირდა და ახლა გაზარდოთ თანხა. ზოგიერთმა შეიძლება შეიძინოს ის ნივთი, რაზეც ოცნებობდა ან განაახლოს, გამოამზეუროს თავისი კოლექცია. დაიწყოთ იმ პროექტზე მუშაობა, რომელიც გსურდათ, რომ გაგრძელდეს, რომელიც შეჩერებული იყო. მოიწესრიგეთ თქვენი ფინანსური სფერო (შემოსავალ-გასავალი). თუ თქვენი საქმიანობა ხმასთანაა კავშირში (წამყვანი, დიქტორი, გამხმოვანებელი ან მომღერალი ხართ) მეტად გამოვლინდება თქვენი ცოდნა, მოგეცემათ ფართო აუდიტორიის წინაშე გამოსვლის შანსი და შეიძლება ამით გაიუმჯობესოთ მატერიალური მდგომარეობა.