ავტორი:

2020 წლის ასტროლოგიური პროგნოზი მამაკაცი და ქალბატონი თევზებისთვის

2020 წლის ასტროლოგიური პროგნოზი მამაკაცი და ქალბატონი თევზებისთვის

მეოცნებე და ღრუბლებში ფენას შეჩვეული თევზები ისევ თავის სტიქიაში იქნებიან. თუმცა, ცხოვრებაში მომხდარ სიახლეებს რეალისტურად უნდა შეხედოთ და უსიამოვნებები სწრაფად უნდა მოაგვაროთ. მეტი დაკვირვება გმართებთ ფინანსური საკითხების მიმართ. მხოლოდ პრაქტიკული ნივთები უნდა შეიძინოთ.

უამრავი შანსი გამოუჩნდება იმ თევზებს, ვისაც პირად ცხოვრებაში ჰარმონიის შექმნა/შენარჩუნება სურს. ყური დაუგდეთ ბრძენი ადამიანების რჩევებს. ყურადღებას ითხოვს ჯანმრთელობაც. ჩაიტარეთ სრული კვლევა, გაესაუბრეთ მკურნალ ექიმს. განსაკუთრებით გაზაფხულსა და შემოდგომაზე. საკმარისია, ორგანიზმის გაწამება მავნე საკვებით, მავნე ჩვევებით! მიიღეთ ჯანსაღი საკვები და დაიმშვიდეთ ნერვები. აკონტროლეთ განწყობა.

2020 წელს ხშირად უნდა გამონახოთ დრო ცურვისთვის. თუ საზღვარგარეთ აპირებთ გამგზავრებას, იყავით დაკვირვებული, არაფერი გამოგრჩეთ, დაკარგოთ (თუმცა, ყურადღება ნებისმიერი მგზავრობის დროს მოგეთხოვებათ). ზაფხულის ბოლოს ბინის ყიდვის (იპოთეკით) ან ახალ ბინაში გადასვლის შესაძლებლობა მოგეცემათ. თუ ახალი სამსახურის დაწყება გსურთ, წლის მბრძანებელი, ვირთხა ყველანაირად დაგეხმარებათ. გამოგიჩნდებათ ახალი მეგობარი, რომელმაც მდიდარი ნათესავების დახმარების გარშე მიაღწია წარმატებას და რომელიც ბევრ რამეში იქნება თქვენთვის სამაგალითო, ასევე ბევრ რამეში შეგიწყობთ ხელს.

კარგ შედეგს მოგიტანთ უცხოელ კოლეგებთან თანამშრომლობა. შემოდგომაზე შემოქმედებითი იდეების განხორციელებას, ახალი პროექტების დაწყებას შეძლებთ. მიუხედავად იმისა, რომ ვირთხა თქვენ მიმართ კეთილგანწყობილია, უშრომველად ვერაფერს მიიღებთ.

სიყვარულისა და ოჯახური ცხოვრების პროგნოზი 2020 წლისთვის

ბედნიერი და უზრუნველი პირადი ცხოვრება გაქვთ. ახალი, ჭკვიანი და მშვენიერი ადამიანებიც გამოჩნდებიან თქვენს ცხოვრებაში, რომლებიც სათანადოდ დაგაფასებენ. გაფრთხილდით, კომპლიმენტებმა თავბრუ არ დაგახვიოთ. 2020 წელს საშუალება მოგეცემათ გათავისუფლდეთ ნეგატიური მოგონებებისგან და ჰარმონია შექმნათ პირად ცხოვრებაში. ნუ გშურთ მეგობრების, რომლებიც წლობით არიან დაოჯახებულები. თბილი ბუდის შექმნას თქვენც შეძლებთ. მთვარია, დაკვირვებული იყოთ და დროზე შეამჩნიოთ თქვენ გვერდით საიმედო ადამიანი. ზოგიერთი მხოლოდ ლამაზ რომანს დასჯერდება, ზოგიც დაქორწინებას და შვილის გაჩენას გადაწყვეტს. შემოდგომა კეთილშობილური საქციელით დაგამახსოვრებთ თავს, მაგალითად, ქველმოქმედებით.

დაქორწინებულ ნიშნებს მეტი დაკვირვება გმართებთ, რათა საკუთარი ბედნიერება არ გაგექცეთ. იყავით დაკვირვებული უხუცესი ოჯახის წევრების რჩევების მიმართ. აკონტროლეთ ემოციები და ადამიანს გულს ნუ ატკენთ მწარე კრიტიკით. მიუხედავად იმისა, რომ საქმეებითა და ვალდებულებებით იქნებით დაკავებული, საყვარელ ადამიანს მზრუნველობასა და ყურადღებას ნუ მოაკლებთ. იყავით მეტად რომანტიკული. მერე რა, რომ დაქორწინებულები ხართ, ხშირად მოუწყვეთ მეუღლეს რომანტიკული პაემანი.

შეყვარებულებმა ნაკლები ყურადღება მიაქციეთ ჭორებსა და ხმებს. თუ ვიღაცას თქვენი შურს, ეს არაა საყვარელ ადამიანთან ჩხუბის მიზეზი. თქვენ ინტუიციური ადამიანი ხართ და საკუთარ გულის თქმას უნდა ენდოთ. სასიამოვნოდ დაგამახსოვრებთ თავს აპრილ-მაისში დაგეგმილი მოგზაურობა. 2020 წლის ბოლოს საოჯახო საკითხების მოგვარება გმართეთ. ეს შეიძლება იყოს რემონტი, საყოფაცხოვრებო ტექნიკის ან ავეჯის ყიდვა/განახლება.

2020 წლის ასტროლოგიური პროგნოზი მამაკაცი თევზებისთვის

პირად ცხოვრებაზე წინ სოციალურ აქტივობას დააყენებთ. მიზანმიმართული და შეუპოვარი ხარ, საკუთარი მიზნების მიღწევა არ გაგიჭირდებათ. ეცადეთ, თქვენი ვალდებულებები მეგობრებსა და კოლეგებს არ გადააბაროთ. მათ შეიძლება არ მოგატყუონ, მაგრამ ისე არ გააკეთონ საქმე, როგორც საჭიროა. დაკვირვება გმართებთ ფინანსებთან და კრედიტებთან დაკავშირებული საკითხების მიმართ.

მეტად უნდა აღიჭურვოთ მოთმინებით, თუ გსურთ საზოგადოებაში სტატუსი შეინარჩუნოთ. იყავით დაკვირვებული გამონათქვამებსა და ქცევაში. ბიზნესში საქმეების მოსაგვარებლად, გამოცდილ კომერსანტებს მიმართეთ რჩევისთვის. რაც შეეხება პირად ცხოვრებას, ადამიანი თუ მართლა მოგწონთ და მის მიმართ გრძნობა გაქვთ, ნუღარ დააყოვნებთ, გამოუტყდით გრძნობებში.

2020 წლის ასტროლოგიური პროგნოზი ქალბატონი თევზებისთვის

სამსახურის საქმეებით დატვირთული წელი გელოდებათ. აკონტროლეთ ემოციები და ეცადეთ, კარგად შეასრულოთ ვალდებულებები. ზოგჯერ შიშებს პირისპირ უნდა შეეჯახოთ, რომ კარგად გაიცნოთ და დაამარცხოთ. რაც უფრო კარგად მოიქცევით საზოგადოებაში, მით უკეთ იგრძნობთ თავს.

ნაკალები ყურადღება მიაქციეთ ოჯახში არსებულ უსიამოვნებებს და ეცადეთ, გაამახვილოთ ყურადღება პოზიტივზე, ახლობლებთან კარგ ურთიერთობაზე. ოჯახში ფინანსურ კრიზს თავს აარიდებთ, თუ დაკვირვებულად და გააზრებულად იმოქმედებთ. საყვარელი ადამიანის მიმართ უნდა იყოთ მეტად მოსიყვარულე და მზრუნველი.

2020 წლის ფინანსური პროგნოზი

მთელი წლის განმავლობაში უნდა იმოქმედოთ პრინციპით: "ფასი-ხარისხი". ნუ იყიდით ყველაფერს რასაც მაღაზიაში დაინახავთ. თქვენ გაქვთ ბუნებრივი სიბრძნე - ინტუიცია და გამოიყენეთ ის. ფული მხოლოდ სარფიან პროექტებში დააბანდეთ.

გაზაფხულზე მხიარული მგზავრობა, გართობა და საყიდლები გელით. იყავით საქმიანად აქტიური, რომ მეტი ფული გამოიმუშაოთ. მოძლიერებულ და გამრავლებულ კონკურენტებს ჭკუით უნდა აჯობოთ. ზაფხულში მეგობრები შემოგთავაზებენ საერთო საქმიანობში ჩართვას. იყავით დაკვირვებული და "მეგობარია და ფული როგორ გამოვართვა" - დაივიწყეთ.

თუ მფლანგველი იქნებით, წლის ბოლოს ვალებით შეხვდებით. ეცადეთ, მხოლოდ აუცილებელი ნივთები შეიძინოთ. განსაკუთრებული ხარჯი გელით შემოდგომაზე, როცა ოჯახთან ერთად მგზავრობას დაგეგმავთ. თუ თავად გიჭირთ ფულის მმართვა, დახმარება იურისტს ან ფინანსურ მენეჯერს სთხოვეთ.

კარგი წელია ახალი სამსახურის, შემოსავლის დამატებითი წყაროს საძიებლად. კარიერაში წარმატების მომტანი პერიოდებია ზაფხული და ზამთარი.

2020 წლის კარიერის პროგნოზი

წლის გმირად იგრძნობთ თავს. რაც უფრო ამბიციური და მიზანსწრაფული იქნებით, მით უკეთესია. დაუმტკიცეთ გარშემო მყოფებს, რომ საუკეთესო ხართ თქვენს სფეროში. ნუ ეძებთ სირთულეების დასაძლევ მარტივ გზებს. ზოგჯერ წინაღობა კარგი გაკვეთილია ხოლმე. თუ ახალ სფეროში გიწევთ მუშობა, ნუ იქნებით მორიდებული დახმარებაც ითხოვეთ და რჩევაც.

კარგი წელი ელით კომერციის, ფინანსების სფეროში მომუშავეებს. ეცადეთ, დაკვირვებული მოთამაშე იყოთ, შეცდომებს ნუ წაუყრუებთ, ძვირად დაგიჯდებათ. კონკურენტებთან საბრძოლველად ძველი, ნაცადი მეთოდები უნდა გამოიყენით.

2020 წლის ჯანმრთელობის პროგნოზი

უნდა იზრუნოთ ფიზიკურ ჯანმრთელობასა და გარეგნობაზე. თუ თავს მობერებულად გრძნობთ, აკონტროლეთ ჭამის რეჟიმი. ხშირად დაისვენეთ, დილაობით ივარჯიშეთ და მიიღეთ კონტრასტული შხაპი. რაც უფრო მეტად მოიძლიერებთ ორგანიზმს, მით მარტივად გაუმკლავდებით სეზონურ ვირუსებსა და ბაქტერიებს. ძილის წინ აუცილებლად მიიღეთ თბილი აბაზანა და დამამშვიდებელი ჩაი.

ვირთხვის წელიწადში მეტად უნდა იზრუნოთ კანზე, სხეულსა და სახეზე. არ გაცივდეთ გაზაფხულსა და შემოდგომაზე. ზაფხულში აუცილებლად გამოიყენეთ მზისგან დამცავი კრემი.

წლის მმართველი გირჩევთ, ხშირად გაისეირნოთ ბუნებაში, სუფთა ჰაერზე. დაისვენეთ და სხეულიც გაიკაჟეთ. იყავით მეტად დისციპლინირებული. ვარჯიში და ზომიერი დიეტის დაცვა აუცილებელია. ზომიერად ყველაფერი დასაშვებია. მავნე ჩვევებისგან კი უნდა გათავისუფლდეთ.

რა გელით თევზებს თვეების მიხედვით

იანვარი - საინტერესო და კეთილშობილური თვე გელით.

თებერვალი - ახალი შთაბეჭდილებები, პერსპექტივები და პროექტები გელით.

მარტი - ახალი იდეების განხორციელებას შეძლებთ, მეტად გამოავლინეთ თქვენი ნიჭი.

აპრილი - აკონტროლეთ ემოციები.

მაისი - საქმეები ისე გადაანაწილეთ, რომ ოჯახისა და დასვენებისთვისაც მოიცალოთ.

ივნისი - ჩახლართული სიტუაციების ამოხსნა გელით.

ივლისი - ეს სიტუაცია ამ თვეშიც გაგრძელდება. მაქსიმალურად შეიკავეთ თავი კამათისგან.

აგვისტო - თავით უნდა გადაეშვათ მუშაობაში. არაფერი გადადოთ "ხვალისთვის".

სექტემბერი - მეტი დრო გაატარეთ ოჯახთან ერთად. არ დაივიწყოთ დათმობა და კომპრომისი.

ოქტომბერი - დასვენების, მომავალზე ოცნების საშუალება მოგეცემათ.

ნოემბერი - უნდა გათავისუფლდეთ ყველა იმ უსიამოვნებისგან, რაც წლის განმავლობაში დაგიგროვდათ.

დეკემბერი - კარგი თვეა ინიციატივის გამოჩენისა და აქტივაციისთვის.

პროგნოზები

2020 წლის ასტროლოგიური პროგნოზი მამაკაცი და ქალბატონი მორიელებისთვის

2020 წლის ასტროლოგიური პროგნოზი მამაკაცი და ქალბატონი ვერძებისთვის