რუსეთმა უკრაინას გაზის საფასური გაუზარდა. "როიტერის" ცნობით, უკრაინისთვის ათასი კბმ გაზი 485 დოლარი ეღირება, რაც საექსპორტო ბაჟს უკავშირდება.
"მომავალში უკრაინელ მომხმარებლებთან ურთიერთობაში უნდა იხელმძღვანელოთ საყოველთაოდ დადგენილი საბაჟო გადასახადებით გაზის გატანაზე", - განუცხადა რუსეთის პრემიერმა დიმიტრი მედვედევმა "გაზპრომის" ხელმძღვანელ ალექსეი მილერს.
თავის მხრივ მილერმა აღნიშნა, რომ ბაჟის შემოღების შედეგად, უკრაინის "ნაფტოგაზისთვის" ბუნებრივი აირის საფასური ათას კბმ-ზე 485 დოლარამდე გაიზრდება. მისივე თქმით, "ნაფტოგაზის" დავალიანება "გაზპრომისადმი" 2,2 მილიარდ დოლარს შეადგენს.
გაზპრომმა 1-ელ აპრილს განაცხადა, რომ უკრაინისთვის გაზის საფასური 2014 წლის მეორე კვარტალში გაიზრდებოდა და ათას კბმ-ზე 385,5 დოლარს შეადგენდა, რაც პირველ კვარტალში 268,5 დოლარი იყო.
აქამდე უკრაინისთვის ნულოვანი ბაჟი მოქმედებდა.