უკრაინის აღმოსავლეთ რეგიონებში ვითარება დაძაბულია

უკრაინის აღმოსავლეთ რეგიონებში ვითარება უკიდურესად დაძაბულია. უკრაინული მედიის ინფორმაციით, პრორუსული აქციის მონაწილეებმა წუხელ ლუგანსკში უშიშროების სამსახურის შენობა შტურმით აიღეს. გარდა ამისა, მათ ეროვნული ბანკის ფილიალი დაიკავეს. რუსული დროშა აღმართეს დონეცკის სახელმწიფო ადმინისტრაციის შენობაზეც. ხარკოვში კი პრორუსულმა ძალებმა ევრომაიდანის მონაწილეები ალყაში მოაქციეს და ასაფეთქებლებსა და ქვებს ესროდნენ.

პრორუსული აქციები უკრაინის აღმოსავლეთში დღესაც გაგრძელდება. დონეცკში პრორუსული ძალები უკრაინის ფედერალიზაციის თაობაზე დამოუკიდებელი რეფერენდუმის ჩატარებით იმუქრებიან.

"ინტერპრესნიუსი"