ვარსკვლავები, რომლებიც გაჭირვებულებს ეხმარებიან

თუ ფიქრობთ, რომ ვარსკვლავებს ძვირფასი ავტომობილის, პოპულარობისა და სკანდალების გარდა არაფერი აინტერესებთ, ძალიან ცდებით. ჰოლივუდში ბევრი ვარსკვლავია, რომელიც გაჭირვებულებზე ზრუნავს.

ანჯელინა ჯოლი და ბრედ პიტი: ვარსკვლავური წყვილის დოსიე მხოლოდ წარმატებული კინოროლებით არ შემოიფარგლება. მათი საერთო საქველმოქმედო ორგანიზაცია Maddox Jolie-Pitt Foundation ჩართულია ბუნებრივი რესურსების დაცვისა და სიღარიბესთან ბრძოლის კამპანიაში. სხვადასხვა საქველმოქმედო ორგანიზაციებს მათი წყალობით მილიონობით დოლარი ერიცხებათ.

ჯორჯ კლუნი: ჰოლივუდის მსახიობი ცნობილია როგორც აქტივისტი, რომელიც სუდანში ადამიანების უფლებების დაცვისთვის იბრძვის.

ელენ დეჯენერესი: ტელეწამყვანი ცხოველებზე ზრუნავს. ის ორგანიზაცია The Gentle Barn-ს ეხმარება. ორგანიზაცია მიტოვებულ ცხოველებს იცავს. ამასთან, ვარსკვლავი თანხებს ამერიკის წითელი ჯვრის ორგანიზაციაში რიცხავს.

ტეილორ სვიფტი: ახალგაზრდა მომღერალი ტეილორ სვიფტი უამრავ საქველმოქმედო ორგანიზაციასთან თანამშრომლობს. ამასთან, გაჭირვებულ მოსახლეობისთვის, რომელთაც ბილეთის ფული არ აქვთ, უფასო კონცერტებს მართავს.

მეთ დეიმონი: მსახიობის წყალობით, რომელიც Water.org-ის თანადამფუძნებელია, განვითარებად ქვეყნებში სუფთა წყალს სვამენ. ვარსკვლავი ასევე თანამშრომლობს ორგანიზაციასთან ONE, რომელიც შიდსთან ბრძოლის კამპანიას კურირებს.

მომზადებულია amerikanki.com-ის მიხედვით.