პეტრე პოროშენკო ერთ-ერთ მრჩევლად საქართველოს მოქალაქის დანიშვნას აპირებს

ეგზიტპოლების მიხედვით უკრაინის საპრეზიდენტო არჩევნებში გამარჯვებული კანდიდატი პეტრე პოროშენკო ერთ-ერთ მრჩევლად საქართველოს მოქალაქის დანიშვნას აპირებს.

"უკრაინსკაია პრავდას" ინფორმაციით, ამის შესახებ მან ბრიფინგის დასრულების შემდეგ ჟურნალისტებს განუცხადა.

"ქართველებთან, ტრადიციულად, კარგი ურთიერთობები გვაქვს. ჩემ მრჩევლებს შორის საქართველოს მოქალაქეებიც იქნებიან", - აღნიშნა პოროშენკომ. თუმცა, მან გვარების დასახელებაზე უარი განაცხადა.

გამოცემის ინფორმაციით, მანამდე თავისი მხარდაჭერა პეტრე პოროშენკოსადმი მიხეილ სააკაშვილმა გამოხატა.