ლეონარდო დიკაპრიომ მსოფლიო ჩემპიონატისთვის ყველაზე დიდი და ძვირადღირებული იახტა იქირავა

ჰოლივუდის ვარსკვლავი და უამრავი ქალის გულთამპყრობელი ლეონარდო დიკაპრიო ფეხბურთის დიდი გულშემატკივარია და მსოფლიო ჩემპიონატსაც ესწრება.

თუმცა, ბრაზილია-ხორვატიის მატჩზე იმდენად ოსტატურად იყო შენიღბული, რომ 66 000 გულშემატკივარს შორის მეგა-მსახიობი მხოლოდ პაპარაცებმა ამოიცნეს. ფანები ვერც კი მიხვდნენ, რომ მათ შორის ლეონარდო იყო.

ერთ-ერთი სასურველი სასიძო წვეულებების დიდი მოყვარულია. ჩემპიონატისთვის მის განკარგულებაშია მსოფლიოში რიგით მეხუთე, ყველაზე დიდი და ძვირადღირებული იახტა. იახტის ღირებულება 678 მილიონი დოლარია. ლეონარდო იახტაზე 20 მეგობართან ერთად გაერთობა. ამასთან, ჟურნალისტებისთვის უცნობია, მსახიობმა იახტაში ფული გადაიხადა, თუ ეს ერთგვარი საჩუქარია მისი მფლობელისგან. იახტა შეიხ მანსურის (სრული სახელი და გვარი მანსურ იბნ ზაიდ ალ-ნაჰაიანი) ეკუთვნის.

იახტა იმდენად კომფორტულია, რომ ყველაზე პრეტენზიული კლიენტიც კი ვერაფერს დაუწუნებს. იახტაზე განთავსებულია: ჯაკუზი, საცურაო აუზი, სპორტდარბაზი და დიდი საკონფერენციო დარბაზი.

მომზადებულია dailymail.co.uk-ის მიხედვით.