ადგილი ან ქვეყანა, რომელიც ადამიანმა აუცილებლად უნდა ნახოს.
- კონკრეტული პასუხის გაცემა მიჭირს... ასეთი ალბათ ბევრია დედამიწაზე, თუმცა მე კოსმოსში გაფრენაზე ვოცნებობ.
ვისთან ერთად გაემგზავრებოდი უკაცრიელ კუნძულზე?
- თუ ჩემს ცხოვრებაში საყვარელი ადამიანი იარსებებდა, მასთან ერთად, თუ არადა, მეგობრებთან ერთად.
საყვარელი წიგნი და ლიტერატურული პერსონაჟი...
- ბევრი საყვარელი წიგნი და პერსონაჟი მყავს, თუმცა გამოვარჩევდი კრეონს, ანა კარენინას, ჯულიეტას და ა.შ
სიმღერა, რომელსაც ნებისმიერ განწყობაზე მყოფი უსმენ...
- ასეთი სიმღერები არ არსებობს, რადგან ძალიან ცვალებადი ხასიათი მაქვს. შემიძლია დაგი-სახელოთ საყვარელი მომღერალი, ესაა მარია კალასი, ავიშაი კოენი და კიდევ რამდენიმე, რომლებიც ჩემს ხასიათთან ახლოს არიან.
რისი გრცხვენია?
- მრცხვენია, როცა მაქებენ. ამ დროს მინდა, რომ მიწა გამისკდეს (იღიმის).
რისი გეშინია?
- საყვარელი ადამიანების დაკარგვის.
რა გაკომპლექსებს?
- კონკრეტულად ვერ გეტყვი, მაგრამ უცებ შეიძლება, ნებისმიერმა წვრილმანმა დამაკომპლექსოს.
რას გამოჰყავხარ წყობიდან?
- უტიფრობას, უსამართლობას, უზრდელობას.
დღე, რომელსაც გაიმეორებდი...
- დღე, როცა ჩემი შვილი დაიბადა.
იხილეთ გაგრძელება