სლავიანსკთან უკრაინის სამხედრო ვერტმფრენი "მი-8" ჩამოაგდეს. ამის შესახებ "უკრაინსკაია პრავდა" ეროვნული გვარდიის მებრძოლებზე დაყრდნობით იუწყება. მათი ინფორმაციით, ვერტმფრენი აფრენის დროს ჩამოაგდეს. წინასწარი ინფორმაციით, აღნიშნულის შედეგად, 9 ადამიანი დაიღუპა, რომელთაგან სამი ეკიპაჟის წევრი იყო.
თავის მხრივ, უკრაინის ანტიტერორისტული ოპერაციების საინფორმაციო ჯგუფის ოფიციალურმა წარმომადგენელმა ვლადისლავ სელეზნიოვმა ვერტმფრენის ჩამოგდების შესახებ ინფორმაცია დაადასტურა, თუმცა გარდაცვლილების შესახებ არაფერი უთქვამს.