უკრაინის ახალმა თავდაცვის მინისტრმა ქვეყნის მთლიანობის აღდგენის პირობა დადო

უკრაინის თავდაცვის ახალი მინისტრი ვალერი გელეტეი აცხადებს, რომ უკრაინის ტერიტორიულ მთლიანობას აღადგენს. ამის შესახებ "დოიჩე ველე" იუწყება.

"დარწმუნებული ვარ, რომ უკრაინა გაიმარჯვებს და დამიჯერეთ, გამარჯვების აღლუმი გაიმართება და აუცილებლად გაიმართება სევოსტოპოლში", – განაცხადა მინისტრმა უკრაინის პარლამენტში ფიცის დადების შემდეგ.

თავდაცვის მინისტრის პოსტზე ვალერი გელეტეის კანდიდატურა დასამტკიცებლად ქვეყნის რადას პრეზიდენტმა პოროშენკომ წარუდგინა. მის დანიშვნას მხარი 260-მა დეპუტატმა დაუჭირა. ახალმა მინისტრმა ამ თანამდებობაზე მიხაილ კოვალი შეცვალა, რომელიც უშიშროების საბჭოს მდივნის მოადგილედ დაინიშნა.

"ინტერპრესნიუსი"