ქალი, რომელმაც ოჯახის წევრები "მალაიზიის ავიახაზების” თვითმფრინავების კატასტროფის შედეგად მეორედ დაკარგა

მას შემდეგ, რაც ცნობილი გახდა უკრაინაში ჩამოგდებული ”მალაიზიის ავიახაზების” ბოინგ 777-ს მგზავრების სია, გაირკვა, რომ იქ იმყოფებოდნენ ავსტრალიელი კეილინ მენის ნათესავები, ქალის, რომელმაც ოჯახის წევრები მარტში გაუჩინარებულ ბოინგ MH370-ში დაკარგა.

მენის ძმა და რძალი რობ და მერი ბეროუზები ბოინგ MH370-ს მგზავრები იყვნენ, ახლა კი მისი შვილიშვილი მერი რიზკი თავის ქმართან, ალბერტთან ერთად ორი დღის წინ მომხდარ ტრაგედიას ემსხვერპლა. გაზეთი ”ჰერალდ სანი” იუწყება, რომ რიზკი ცდილობდა გადაეცვალა ფრენის რეისი შიპოლის აეროპორტში, რათა თავიდან აერიდებინა ხანგრძლივი ლოდინი კუალა-ლუმპურში, სახლში დაბრუნებამდე.

მენის ძმამ პრესას განუცხადა, რომ ამ ამბავმა კიდევ ერთხელ გაანადგურა მათი ოჯახი. თვითონ კეილინი პრესასთან საუბარს ვერ ახერხებს ემოციური ფონის გამო. ოჯახი ”ცდილობს, გაერკვეს” როგორ შეიძლებოდა, რომ ასეთი ტრაგედია ორჯერ დასტყდომოდათ თავს.