დონეცკში ტერორისტების მხრიდან ცეცხლის გახსნის შემდეგ ერთი ადამიანი გარდაიცვალა

დონეცკში ტერორისტების მხრიდან ცეცხლის გახსნის შემდეგ ჭურვი მოხვდა ადგილობრივ საავადმყოფოს, რის შემდეგაც ერთი ადამიანი გარდაიცვალა.

"უკრაინსკაია პრავდას" ინფორმაციით, შემთხვევის შედეგად ორი ადამიანი დაიჭრა. ტერორისტების მხრიდან ცეცხლის გახსნის შედეგად ასევე დაზიანდა ტროლეიბუსების დეპო.

დონეცკში ამ დრომდე დაძაბული ვითარებაა. ადგილობრივების განცხადებით, ქალაქის თითქმის ყველა რაიონში ისმის სროლისა და აფეთქებების ხმა. ადგილობრივი ხელისუფლება მოსახლეობას მოუწოდებს, თავი შეიკავონ გარეთ გამოსვლისგან.

უკრაინის ეროვნული უსაფრთხოების სამსახურის სპიკერის ანდრეი ლისენკოს განცხადებით, გასული ღამის განმავლობაში 7 უკრაინელი ძალოვანი დაიღუპა, 19 დაიჭრა.