დონეცკის კოლონიიდან პატიმრები გაიქცნენ

ერთი პატიმარი დაიღუპა და 18 დაშავდა დონეცკში, კიროვის რაიონში, მკაცრი რეჟიმის კოლონიის შენობაზე ჭურვის მოხვედრის შედეგად.

უკრაინული მედიის ცნობით, კოლონიაში ბუნტი დაიწყო და 106 პატიმარი გაიქცა.

"უნიანის" ინფორმაციით, გაქცეული პატიმრების ნახევარი დღეს ისევ უკან, კოლონიაში დააბრუნეს.

დონეცკში ვითარება ამ დრომდე დაძაბული რჩება, ქალაქის ბევრ რაიონში ისევ სროლის ხმა ისმის. წუხანდელი თავდასხმების შედეგად დაზიანდა რამდენიმე საცხოვრებელი სახლი.