თურქეთს ახალი პრეზიდენტი ჰყავს

თურქეთის ცენტრალურმა საარჩევნო ადმინისტრაციამ ქვეყნის საპრეზიდენტო არჩევნებში გამარჯვებულად მოქმედი პრემიერ-მინისტრი რეჯეფ თაიფპ ერდოღანი ოფიციალურად გამოაცხადა. ერდოღანი თურქეთის მე-12 პრეზიდენტია.

საარჩევნო კომისიის მონაცემებით, ერდოღანმა ამომრჩეველთა ხმების 51,8 % მიიღო. პრეზიდენტის მოვალეობის შესრულებას ის 28 აგვისტოდან შეუდგება, რომელიც ამ თანამდებობაზე აბდულა გიულის შეცვლის.

რეჯეფ თაიფ ერდოღანი პირველი პრეზიდენტია, რომელიც პირდაპირი არჩევნების გზით აირჩიეს. 1923 წლიდან თურქეთის პრეზიდენტს ქვეყნის პარლამენტი ირჩევდა.

თურქეთის საპრეზიდენტო არჩევნები 10 აგვისტოს გაიმართა, რომელშიც ამომრჩეველთა 74%-მა მიიღო მონაწილეობა.