ქართველი გოგონები, რომლებმაც ამერიკელები "ტრანსში ჩააგდეს"

"ეს ქართული ფოლკლორული სიმღერა ტრანსში ჩაგაგდებთ", "ამ გოგონების ჰარმონიული სიმღერა სხვა დროში მოგახვედრებთ" - ამ კომენტარებით განათავსა ცნობილმა ამერიკულმა ინტერნეტგამოცემა The Huffington Post-მა ტრიო "მანდილის" სიმღერა "აპარეკა" საკუთარ საიტზე. მომღერლები თათია მგელაძე, შორენა ცისკარაული და ანი ჭინჭარაული არიან.

აღსანიშნავია, რომ ქართული ტრიოს სიმღერა ერთ-ერთ გერმანულ საიტზეც განთავსდა. ვიდეო youtube-ზე 4 სექტემბერს დაიდო და ერთ კვირაში ნახევარი მილიონი ნახვა დააგროვა.