დონეცკში "წითელი ჯვრის" თანამშრომელი დაიღუპა

დონეცკში, ქალაქის ცენტრში გახსნილი ცეცხლის შედეგად "წითელი ჯვრის" თანამშრომელი დაიღუპა. დონეცკის მერიის პრესსამსახურის ინფორმაციით, "წითელი ჯვრის" თანამშრომელი შვეიცარიის მოქალაქე იყო. მოგვიანებით, საერთაშორისო ჰუმანიტარულმა ორგანიზაციამ დაადასტურა თანამშრომლის გარდაცვალების ფაქტი. დონეცკში "ბოევიკების" მიერ ცეცხლის გახსნის შედეგად დაზიანდა რამდენიმე საცხოვრებელი სახლი და ტროლეიბუსების ხაზი, რის გამოც საზოგადოებრივი ტრანსპორტის მოძრაობა რამდენიმე საათით შეჩერებული იყო.