უცნობმა პირმა კანადაში საპატიო ყარაულს ესროლა და პარლამენტში შეიჭრა

კანადის პარლამენტში ინციდენტი მოხდა. "ბი-ბი-სის" ინფორმაციით, უცნობმა პირმა დღეს დედაქალაქ ოტავაში პარლამენტის შენობასთან ცეცხლი გახსნა, შემდეგ კი შენობაში შეიჭრა და 30-მდე გასროლა განახორციელა.

პოლიციამ აღნიშნული პირის ლიკვიდაცია განახორციელა. თვითმხილველთა განცხადებით, მამაკაცმა თავდაპირველად ცეცხლი იმ სამხედროებს გაუხსნა, რომლებიც პარლამენტთან ახლოს სამხედრო მემორიალთან საპატიო ყარაულში იდგნენ, რის გამოც ერთი სამხედრო მოსამსახურე დაიჭირა.

ამ დროისთვის ქვეყნის პრემიერმა სტივენ ჰარპერმა პარლამენტის შენობა დატოვა და უსაფრთხო ადგილზეა გადაყვანილი.