გერმანიაში აფეთქების შედეგად ერთი ადამიანი დაიღუპა

ერთი ადამიანი დაიღუპა და 20-ზე მეტი დაშავდა გერმანიის დასავლეთით ლუდვიგსხაფენში გაზის მილსადენის აფეთქების შედეგად."ევრონიუსის" ინფორმაციით, გაზის მილსადენი კომპანია Gascade-ს ეკუთვნის. ინციდენტი მილსადენის შეკეთებისას მოხდა. აფეთქების შედეგად ცეცხლი გაუჩნდა ახლომდებარე მანქანებს. როგორც კომპანიის განცხადებაშია აღნიშნული, მილსადენი დაუდგენელი მიზეზით მიწის სამუშაოების დროს დაზიანდა. მომხდართან დაკავშირებით გამოძიება მიმდინარეობს.