"ფორბსმა" ზედიზედ მეორედ ყველაზე გავლენიან ადამიანად რუსეთის პრეზიდენტი დაასახელა

ჟურნალ "ფორბსის" ყველაზე გავლენიან პირთა სია გამოქვეყნდა, რომელსაც ზედიზედ მეორედ რუსეთის პრეზიდენტი ლიდერობს. გამოცემის მიერ გამოქვეყნებული რეიტინგების ტოპ ხუთეული ასე გამოიყურება. პირველი ადგილი - ვლადიმერ პუტინი, მეორე - აშშ-ს პრეზიდენტი ბარაქ ობამა, მესამე - ჩინეთის სახალხო რესპუბლიკის ლიდერი სი ძიანპინი, მეოთხე - რომის პაპი ფრანცისკი, მეხუთეზე კი - გერმანიის კანცლერი ანგელა მერკელია, რომელიც ამავდროულად, კვლავ რჩება მსოფლიოს გავლენიან ქალბატონად.

წლევანდელ სიაში მოხვდა რუსეთის "გაზპრომის" ხელმძღვანელი ალექსეი მილერი."ფორბსის" რეიტინგი გამოცემის რედაქტორების კენჭისყრის შედეგად დგება. ისინი აფასებენ ისეთ კრიტერიუმებს, როგორებიცაა ფინანსური რესურსები, ძალაუფლება და იმ ადამიანთა რაოდენობა, რომლებზეც მათი გავლენა ვრცელდება.