გერმანიის მთავრობამ ასოცირების შეთანხმების პროექტის რატიფიცირება განახორციელა

გერმანიის მთავრობამ საქართველოს, უკრაინასა და მოლდოვასთან ასოცირების შეთანხმების კანონპროექტის რატიფიცირება განახორციელა. ამის შესახებ "დოიჩე ველე" იუწყება. გერმანიის მინისტრთა კაბინეტის ოფიციალური წარმომადგენლის შტეფენ ზაიბერტის განცხადებით, ამ შეთანხმებას უდიდესი წვლილი შეაქვს ამ სამ ქვეყანაში დემოკრატიისა და სამართლებრივი სახელმწიფოს განვითარების საკითხში. გამოცემის ცნობით, ამის შემდეგ, პროექტები ბუნდესტაგს წარედგინება. ევროკავშირთან ასოცირების შესახებ შეთანხმების რატიფიცირება თანამეგობრობის ყველა ქვეყანამ უნდა განახორციელოს.