დონეცკში, გასული დღე-ღამის განმავლობაში მომხდარი საომარი მოქმედებების დროს 15 ადამიანი დაიჭრა. უკრაინული მედიის ინფორმაციით, მთელი ღამის განმავლობაში საბრძოლო მოქმედებები მიდიოდა ქალაქის ორ რაიონში - კუიბიშევსა და კიევსკის რაიონებში. დონეცკის მერიის ცნობით, სეპარატისტების მიერ გახსნილი ცეცხლის შედეგად რამდენიმე საცხოვრებელი სახლი და შენობა დაიწვა. როგორც უკრაინული მედია იუწყება, ქალაქში დღეს დილით შედარებით მშვიდი ვითარებაა.