ესპანეთის პრინცესა თაღლითობაშია ბრალდებული

ესპანეთის მეფე ფელიპე VI-ის და, პრინცესა კრისტინა სასამართლოს წინაშე საგადასახადო თაღლითობის ბრალდებით წარდგება."ბიბისის" ინფორმაციით, ამასთან, პალმა დე მალიორკას სასამართლომ ესპანეთის პრინცესას ფულის გათეთრების ბრალდება მოუხსნა. ინფანტა კრისტინას საშემოსავლო გადასახადისა და მოგების გადასახადის გადაუხდელობაში ადანაშაულებენ. გამოძიების თანახმად, პრინცესა კრისტინას მეუღლემ ინაკი ურდანგარინმა სახელმწიფო ფონდებიდან ყოფილ ბიზნესპარტნიორთან ერთად მილიონები მიითვისა, რის შესახებაც ესპანეთის მეფის დამ იცოდა და ამ გარიგებით ისარგებლა.