დევიდ ქემერონი - უკრაინაში რუსეთის ქმედებები მოსკოვის წინააღმდეგ სანქციების გაფართოებას გამოიწვევს

აღმოსავლეთ უკრაინაში რუსეთის ქმედებები მოსკოვის წინააღმდეგ სანქციების გაფართოებას გამოიწვევს. ამის შესახებ დიდი ბრიტანეთის პრემიერ-მინისტრმა დევიდ ქემერონმა ავსტრალიაში, "დიდი ოცეულის" სამიტის დაწყებამდე განაცხადა. დიდი ბრიტანეთის პრემიერის განცხადებით, რუსეთმა უკრაინას დამოუკიდებლად და თავისუფლად განვითარების საშუალება უნდა მისცეს."თუ რუსეთი უკრაინის თავისუფლებისადმი პოზიტიურ მიდგომას აირჩევს, შესაძლოა ამან სანქციების გაუქმება გამოიწვიოს. თუმცა, თუ რუსეთი განაგრძობს ვითარების გამწვავებას, ამან შესაძლოა სანქციების გაფართოება გამოიწვიოს. ყველაფერი მარტივია", - აღნიშნა დევიდ ქემერონმა.

ამასთან, აშშ-ის სახელმწიფო დეპარტამენტის სპიკერის ჯენ ფსაკის ინფორმაციით, აშშ-ი მჭიდრო კონტაქტშია ევროპელ პარტნიორებთან რუსეთის წინააღმდეგ სანქციების გაფართოებასთან დაკავშირებით. გერმანიის კანცლერმა ანგელა მერკელმა კი აღნიშნა, რომ არ გამორიცხავს რუსი მაღალჩინოსნების "შავი სიის" გაფართოებას, რომელთაც სანქციები დაუწესდებათ.