უკრაინის თავდაცვის მინისტრის თქმით, რუსეთს უკრაინაში 7 500 სამხედრო ჰყავს

რუსეთს აღმოსავლეთ უკრაინაში 7 500 სამხედრო ჰყავს. ამის შესახებ უკრაინის თავდაცვის მინისტრმა სტეპან პოლტორაკმა განაცხადა."სამწუხაროდ, აღმოსავლეთ უკრაინაში ვითარების სტაბილიზაცია მხოლოდ ჩვენზე არ არის დამოკიდებული. უკრაინის ტერიტორიაზე რუსეთის შეიარაღებული ძალების 7 500 სამხედროს ყოფნა დესტაბილიზაციას იწვევს და ხელს გვიშლის ვითარების სტაბილიზაციაში", - აღნიშნა სტეპან პოლტოროკმა. გუშინ ნატო-ს გენერალურმა მდივანმა იენს სტოლტენბერგმა განაცხადა, რომ რუსეთიდან აღმოსავლეთ უკრაინის მიმართულებით ტანკები, სატვირთო მანქანები, არტილერია და ანტისარაკეტო თავდაცვის სისტემები გადაადგილდებიან.