საფრანგეთში 11 ქართველი კრიმინალი დააკავეს

საფრანგეთის პოლიციამ კრიმინალური დაჯგუფების წევრები დააკავა, რომელთაგან 11 საქართველოს მოქალაქეა. ამის შესახებ "letnews" იუწყება. გამოცემის ინფორმაციით, დაჯგუფების წევრები ძარცვაში არიან ეჭვმიტანილები. მათ ანგარიშზეა 120 ძარცვა პარიზსა და საფრანგეთის სხვა რეგიონებში. საერთო ზარალმა მიმდინარე წლის თებერვლიდან ნოემბრამდე 600 ათასი ევრო შეადგინა. დაჯგუფების წევრები ნიდერლანდებში, შვედეთსა და გერმანიაშიც იძებნებიან.