პეტრო პოროშენკომ ძალოვანებს დაავალა, სამხედრო ტყვეების გასათავისუფლებლად ძალისხმევა გააძლიერონ

უკრაინის პრეზიდენტმა, პეტრო პოროშენკომ ძალოვანებს დაავალა, გააძლიერონ ძალისხმევა უკრაინელი სამხედრო ტყვეების გასათავისუფლებლად და ასევე, გამშვები პუნქტების კონტროლის გაძლიერებისკენ მოუწოდა. უკრაინული მედიის ინფორმაციით, გუშინ, პეტრო პოროშენკომ ძალოვანი უწყებების წარმომადგენლებთან შეხვედრა გამართა, სადაც აღნიშნული დავალებები გაიცა. ასევე განიხილეს ცეცხლის შეწყვეტის რეჟიმის დაცვის საკითხი."ტერორისტების აქტიურობა და მათი მცდელობა, პროვოცირება მოახდინონ უკრაინული შეიარაღებული ძალების, ჩვენს გადამწყვეტ მოქმედებებს მოითხოვს", -აღნიშნა უკრაინის პრეზიდენტმა.