პარიზში მძევლების აყვანაში ეჭვმიტანილმა ქალმა თურქეთისა და სირიის საზღვარი გადაკვეთა

პარიზში, მძევლების აყვანაში ეჭვმიტანილმა ქალმა ჰაიათ ბუმედიენმა თურქეთისა და სირიის საზღვარი 8 იანვარს გადაკვეთა. ამის შესახებ ინფორმაციას უცხოური მედია ავრცელებს. მათი ინფორმაციით, ეს მონაცემები თანამგზავრიდან არის მიღებული. ამგვარად, ეჭვმიტანილი შესაძლოა არ ყოფილიყო საფრანგეთის ტერიტორიაზე იმ დროს, როდესაც ტერორისტებმა მძევლები აიყვანეს.

გავრცელებული ინფორმაციით, 2 იანვარს ბუმედიენმა მადრიდი-სტამბულის რეისზე ბილეთები დაჯავშნა. ცნობილი გახდა, რომ ის არაოფიციალურ ქორწინებაში იყო ამედი კულიბელთან, რომელიც გუშინ პორტ-დე-ვენსენში კოშერული მაღაზიის შტურმის დროს მოკლეს.

გუშინ ვინსენსისა და დამარტენის გარეუბანში ჩატარებული სპეცოპერაციების შედეგად პოლიციამ სამი ტერორისტი - ჟურნალ Charlie Hebdo-ზე თავდამსხმელები ძმები საიდ და შერიფ კუაშები და ქაშერულ მაღაზიაში შეჭრილი ამედი კულიბელი გაანადგურა.