პეტრო პოროშენკომ 15 იანვარი გლოვის დღედ გამოაცხადა

დონეცკის ქალაქ ვოლნოვახში მომხდარი ტერაქტისას დაღუპულთა გამო, უკრაინის პრეზიდენტმა პეტრო პოროშენკომ 15 იანვარი გლოვის დღედ გამოაცხადა. "ლიგა.ნეტ"-ის ინფორმაციით, ამის შესახებ მან დღეს საოლქო ადმინისტრაციების ხელმძღვანელებთან თათბირზე განაცხადა. 15 იანვარს, პრეზიდენტის განკარგულებით, სახელმწიფო უწყებების, დაწესებულებების, საწარმოებისა და ორგანიზაციების შენობებზე დაშვებული იქნება უკრაინის სახელმწიფო დროშები. ასევე, რეკომენდებულია, თავი შეიკავონ საკონცერტო-გასართობი ღონისძიებების ჩატარებისგან. 13 იანვარს დონეცკის ოლქში სამგზავრო ავტობუსს ჭურვი ესროლეს. ტერაქტს 13 ადამიანი ემსხვერპლა.

"ინტერპრესნიუსი"