ფედერალურმა საგამოძიებო ბიურომ კაპიტოლიუმზე თავდასხმის დაგეგმვაში ეჭვმიტანილი დააკავა

აშშ-ის ფედერალური საგამოძიებო ბიუროს თანამშრომლებმა ოჰაიოში დააკავეს მამაკაცი, რომელიც ვაშინგტონში, კაპიტოლიუმზე თავდასხმას გეგმავდა."ბიბისის" ინფორმაციით, 20 წლის კრისტოფერ კორნელს, რომელიც ასევე ცნობილია მეტსახელით რაჰილ მარჰუს უბაიდა, ბრალად ედება ამერიკელ სახელმწიფო მოხელეზე თავდასხმის დაგეგმვა და იარაღის შენახვა თავდასხმის განხორციელების მიზნით. გავრცელებული ინფორმაციით, 2014 წლის ზაფხულში კრისტოფერ კორნელმა შექმნა "ტვიტერის" ექაუნთი, სადაც მხარდაჭერას უცხადებდა "ისლამურ სახელმწიფოს", ჯიჰადსა და ტერაქტებს.

"ინტერპრესნიუსი"