ფრანგული მედია - 19 ათასამდე ფრანგულ საიტზე კიბერშეტევა განხორციელდა

ფრანგული მედიის ინფორმაციით, ბოლო ოთხი დღის განმავლობაში თითქმის 19 ათას ფრანგულ საიტზე განხორციელდა კიბერშეტევა. საფრანგეთის არმიის გენშტაბის კიბერუსაფრთხოების სამმართველოს ცნობით, პარიზში მომხდარი ტერაქტის შემდეგ, სხვადასხვა ფრანგულ ვებგვერდზე 19 ათასი კიბერშეტევა დაფიქსირდა. სამმართველოს ხელმძღვანელის არნო კუსტიერის განცხადებით, კიბერშეტევის შემდეგ ფრანგულ ვებგვერდებზე ისლამური დროშები და ლოზუნგები ჩნდება. "მსგავს შემთხვევებს საფრანგეთში მანამდე ადგილი არასდროს ჰქონია. კიბერშეტევის მსხვერპლი გახდა თითქმის ყველა შინაარსის საიტი, დაწყებული სახელმწიფო უწყებების ვებგვერდებიდან, დასრულებული კერძო ფირმების, მათ შორის მცირე ბიზნესის საიტებით", - აღნიშნა არნო კუსტიერმა.

"ინტერპრესნიუსი"