გროზნოში კარიკატურების გასაპროტესტებლად ათასობით ადამიანი შეიკრიბა
გროზნოში, ათასობით ადამიანი წინასწარმეტყველ მუჰამედის კარიკატურების გასაპროტესტებლად შეიკრიბა. რუსული მედიის ცნობით, ჩეჩნეთის დედაქალაქში გასამართ საპროტესტო მარშში მონაწილეობისთვის ჩრდილოეთ კავკასიის სხვა რესპუბლიკებიდანაც ჩავიდნენ. "ვესტის" ინფორმაციით, მარშს, სახელწოდებით "წინასწარმეტყველ მუჰამედის სიყვარული" რუსეთის რამდენიმე ტელეარხი და საინფორმაციო სააგენტო პირდაპირ ეთერში გადასცემს.
"ბიბისის" ინფორმაციით, აქციის მონაწილეებს ხელში უკავიათ პლაკატები, წარწერით "ხელები შორს ჩვენი საყვარელი წინასწარმეტყველისგან", "ჩვენ გვიყვარს წინასწარმეტყველი მუჰამედი". აქციის მონაწილეები ასევე სკანდირებენ - "ჩვენ არ ვართ შარლი". როგორც ჩეჩნეთის ლიდერმა რამზან კადიროვმა აქციის დაწყებამდე განაცხადა, რუსეთის მუსლიმები არ დაუშვებენ ქვეყანაში ვითარების გამწვავებას.
"ჩვენ ყოველთვის ვიყავით რუსეთის მცველები და დღეს შეგვწევს ძალა, ღირსეული პასუხი გავცეთ ჩვენი ქვეყნის ნებისმიერ მტერს", - აღნიშნა რამზან კადიროვმა. მისივე განცხადებით, საპროტესტო მარშის მონაწილეთა რაოდენობამ შესაძლოა მილიონს გადააჭარბოს. 7 იანვარს, პარიზში, სატირულ ჟურნალ "შარლი ებდოს" რედაქციაზე განხორციელებულ ტერორისტულ თავდასხმას 12 ადამიანი ემსხვერპლა.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
