ბოსტონის პოლიციამ მამაკაცი დააკავა, რომელიც საავადმყოფოში ისროდა

ამერიკის ქალაქ ბოსტონში მამაკაცი დააკავეს, რომელმაც დღეს ქალაქის საავადმყოფოში ცეცხლი გახსნა, რის შედეგადაც ერთი ადამიანი დაიჭრა. ზოგიერთი მედიასაშუალება იუწყება, რომ დაჭრილი უკვე გარდაიცვალა. ბოსტონის პოლიციის ინფორმაციით, მამაკაცი საავადმყოფოს იმ კორპუსში ისროდა, სადაც გულ-სისხლძარღვთა დაავადებულებს მკურნალობენ. ინფორმაციის მიღებისთანავე, პოლიციამ შენობიდან ყველა გასასვლელი გადაკეტა, მედპერსონალს კი თავშესაფარში გადასვლა უბრძანეს. ამ დროისთვის, დამნაშავის ვინაობა არ სახელდება. პოლიციის განცხადებით, ამჟამად ვითარება კონტროლს ექვემდებარება.

"ინტერპრესნიუსი"