სამანტა პაუერი - პუტინი უკრაინას "სამშვიდობო გეგმას" აფხაზეთისა და სამხრეთ ოსეთის მაგალითზე სთავაზობდა
რუსეთის პრეზიდენტი ვლადიმერ პუტინი უკრაინის პრეზიდენტს "სამშვიდობო გეგმას" აფხაზეთისა და სამხრეთ ოსეთის მაგალითზე სთავაზობდა. ამის შესახებ გაერო-ში აშშ-ის წარმომადგენელმა სამანტა პაუერმა უკრაინის საკითხზე გამართულ გაერო-ს უშიშროების საბჭოზე განაცხადა. სამანტა პაუერის თქმით, რუსეთის გეგმა ითვალისწინებდა სეპარატისტების მიერ მიტაცებული ტერიტორიების დაკანონებას, ასევე რუსული პერსონალისა და სამხედრო ტექნიკის უკრაინის ტერიტორიაზე შესვლას.
"ჩვენ უკვე ვნახეთ ასეთი "სამშვიდობო გეგმები" მანამდე. ეს იყო აფხაზეთში, სამხრეთ ოსეთსა და დნესტრისპირეთში", - აღნიშნა სამანტა პაუერმა. მისივე თქმით, როდესაც პეტრო პოროშენკომ უარი განაცხადა პუტინის ამ წინადადებაზე, რუსეთმა განაცხადა, რომ უკრაინა არ არის დაინტერესებული მშვიდობის მიღწევაში. "პუტინის ამ "სამშვიდობო გეგმას" თავისი სახელი უნდა ვუწოდოთ - ეს არის უკრაინის ოკუპაციის რუსული გეგმა", - განაცხადა აშშ-ის წარმომადგენელმა გაერო-ში.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
