რუსეთის სახელმწიფო დუმამ რუსეთსა და აფხაზეთს შორის ე.წ. შეთანხმების რატიფიცირება მოახდინა

რუსეთის სახელმწიფო დუმამ რუსეთსა და აფხაზეთის დე-ფაქტო რესპუბლიკას შორის სტრატეგიული შეთანხმების რატიფიცირება მოახდინა. ინფორმაციას ამის შესახებ რუსული მედია ავრცელებს.

არსებული ინფორმაციით, რატიფიცირებას მხარი დაუჭირა 441-მა დეპუტატმა ერთის წინააღმდეგ, ერთმა დეპუტატმა კი ხმის მიცემისგან თავი შეიკავა. ე.წ.მოკავშირეობისა და სტრატეგიული თანამშრომლობის ხელშეკრულებას რუსეთის პრეზიდენტმა ვლადიმერ პუტინმა და აფხაზეთის დე-ფაქტო პრეზიდენტმა რაულ ხაჯიმბამ გასული წლის 24 ნოემბერს მოაწერეს ხელი. შეთანხმების ერთ-ერთი დებულება ერთიანი შეიარაღებული ძალების შექნასა და საქართველოსთან ე.წ. საზღვრის ერთობლივ დაცვას ითვალისწინებს. ე.წ. შეთანხმებაში ასევე აღნიშნულია, რომ შეთანხმების თანახმად, ერთ მხარეზე თავდასხმა მეორე მხარეზე თავდასხმად განიხილება.

"ინტერპრესნიუსი"