ვლადიმერ პუტინმა ანგელა მერკელს უკრაინის კონფლიქტის ჩეჩნეთის სცენარით მოგვარება შესთავაზა
რუსეთის პრეზიდენტმა, ვლადიმერ პუტინმა გერმანიის კანცლერს, ანგელა მერკელს უკრაინის კონფლიქტის ჩეჩნეთის მსგავსი სცენარით მოგვარება შესთავაზა. ამის შესახებ "ფაინენშელ თაიმსი" წერს. გამოცემის ცნობით, აღნიშნული წინადადებით ვლადიმერ პუტინმა ანგელა მერკელს გასულ წელს ავსტრალიის ქალაქ ბრისბენში ვიზიტის დროს მიმართა. "ბატონმა პუტინმა განაცხადა, რომ კიევმა ამბოხებულებთან ისეთი მეთოდით უნდა მიაღწიოს შეთანხმებას, როგორც რუსეთმა თავის დროზე ჩეჩნეთის რეგიონში შეძლო: ავტონომიითა და ფულით მოსყიდვით", - წერს "ფაინენშელ თაიმსი".
სტატიაში, რომლის სათაურია - "ბრძოლა უკრაინისთვის: როგორ დაკარგა დასავლეთმა პუტინი", აღნიშნულია, რომ კრემლის ლიდერის მოსაზრება უკრაინის კონფლიქტის მოგვარებასთან დაკავშირებით მერკელისთვის მიუღებელი აღმოჩნდა. მეორე დღეს ბრისბენის სამიტზე სიტყვით გამოსვლისას კი გერმანიის კანცლერმა განაცხადა, რომ რუსეთი არამხოლოდ უკრაინისთვის, არამედ საქართველოსა და ბალკანეთის რეგიონისთვისაც საფრთხეს წარმოადგენს.
"ინტერპრესნიუსი"
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
