გამოცემა USA Today-ს გამოქვეყნებულ უკრაინის რუკაზე ყირიმი აღნიშნული არ არის

ამერიკულმა გამოცემა USA Today-მ უკრაინის რუკა გამოაქვეყნა, რომელზეც ყირიმის ნახევარკუნძული არ არის აღნიშნული. ამის შესახებ "ფორინ პოლისი" იტყობინება.

გამოცემის ცნობით, USA Today-ის პრესსპიკერი აღნიშნულთან დაკავშირებით კომენტარს ჯერჯერობით არ აკეთებს. უცნობია, უკრაინის რუკაზე ყირიმის არაღნიშვნა ამერიკული გამოცემის შეცდომა იყო თუ რედაქტორების გამიზნული ქმედება.

ყირიმის ნახევარკუნძულის ანექსია რუსეთმა გასული წლის მარტში ჩატარებული რეფერენდუმის შედეგად მოახდინა. დასავლეთი მომხდარს გმობს და ყირიმს უკრაინის ტერიტორიად მიიჩნევს.